بحـث
 
 

نتائج البحث
 


Rechercher بحث متقدم

المواضيع الأخيرة
» مكياج لعيونك البنية
الأحد أغسطس 31, 2008 9:18 am من طرف Admin

» بشرتك أكثر جمالاًَ مع اللبن
الأحد أغسطس 31, 2008 9:17 am من طرف Admin

» - القواعد الأساسية لوضع مكياج العيون
الأحد أغسطس 31, 2008 9:16 am من طرف Admin

» الطريقة المثلى لوضع أحمر الخدود
الأحد أغسطس 31, 2008 9:16 am من طرف Admin

» كيف تعالجين مشكلة الهالات السوداء تحت العينين؟
الأحد أغسطس 31, 2008 9:15 am من طرف Admin

» خطوات وضع أساس المكياج
الأحد أغسطس 31, 2008 9:14 am من طرف Admin

» طرق استخدام المكياج فى تجميل العيون والانف
الأحد أغسطس 31, 2008 9:13 am من طرف Admin

» أقنعة من الفاكهة و الخضار
الأحد أغسطس 31, 2008 9:12 am من طرف Admin

» كيف تحصلين على أكواع بيضاء ناعمة؟
الأحد أغسطس 31, 2008 9:11 am من طرف Admin

التبادل الاعلاني

البنات مش بيعجبها العجب.................

اذهب الى الأسفل

البنات مش بيعجبها العجب.................

مُساهمة من طرف Admin في الإثنين أغسطس 25, 2008 6:27 am

البنت المصرية لما ترتبط بولد واليكم سيناريو مضمون كله أو معظمه

لو جه هوة اللى كلمها يبقى مدلوق عليها
لو هى اللى كلمته يبقى مغرور وشايف نفسه

لو قالها نعرف بعض شوية يبقى بيتسلى و بيلعب بيها
ولو قالها نرتبط يبقى لازم يجيب كل اللى الأهل عايزينه (طبعا مش بقى صعب انما بقى مستحيل)

لو بقى معاها علطول يبقى فاضى وصايع ومش وراه حاجة
ولو سابها مرة تروح لوحدها مبقاش مهتم بيها

لو مكلمهاش كل يوم 30 مرة يبقى مش بيحبها
ولو كلمها لحد ما يفلس يبقى مش بيفكر صح للمستقبل

لو جبلها هدية فى كل مناسبة يبقى بيضيع فلوسه وكمان ممكن الهدية متعجبهاش
لو مجبلهاش ولو فى مرة واحدة يبقى انانى ومش بيفكر فيها

لو حبها وفيها عيوب وحاول يصلحها يبقى بيتحكم فيها
لومحاولش يصلحها يبقى مش بيحبها ويطلع عينه وتقوله انة لازم يحبها زى ما هى

لو فيه حاجة مدايقاه وقالها يبقى بيتلكك
ولو مقلهاش يبقى قلبه اسود وبيحوش

لو هى بتغير عليه يبقى عشان بتحبه
ولوهو بيغير عليها يبقى بيخنوقها

لو قالها متكلميش فلان يبقى عايز يقطع علاقتها بكل أصحابها
ولو هى قلتلوا متكلمش فلانة يبقى عشان أكيد هوة اللى عينوه زايغة

لو خرجوا مع بعض وقالها تروحى فين يبقى مش عارف يتصرف
ولو مسألهاش يبقى عايز يخرج على مزاجه

لو حب يخرج مع أصحابة يبقى أنانى ومش بيفكر فيها وهى قاعدة لوحدها
لو هى حبت تخرج مع أصحابها يبقى شئ طبيعى عشان همة بنات

لما يطلع عمرو دياب ولا كاظم فى التليفزيون تبقى هتموت عليه وده شئ طبيعى عشان مين اللى ميحبش عمرو؟!
ولو هوة بص لأى واحدة فى التليفزيون يبقى عشان رمرام وعينه زايغة

لو حاول يبوسها يبقى سافل وصايع
لو ما حاولش يبقى بارد ومعندوش مشاعر

لو مسك ايدها يبقى عشان عايز حاجة مش كويسة
لو هية اللى مسكتها طبعا عشان بتحبة

لوهية قعدت فترة متكلمهوش يبقى أكيد عشان مش عايزة تعطله
ولو هوة مكلمهاش عشان امتحانات ولا حاجة يبقى عشان عايز يطنشها

لو سأل عليها كل شوية يبقى ده طبيعى
ولو مرة واحدة مسألش يبقى أكيد مبقاش يحبها

لو هوة خارج من علاقة يبقى بتاع بنات
ولو هية خارجة من علاقة يبقى أكيد مظلومة وانضحك عليها
لو قالها نعرف الناس كلها اننا بنحب بعض يبقى عايز يشردلها
ولو قالها نستنى شوية يبقى أكيد ناوى يفلسع

لو مشتغلش يبقى مش بيفكر فى المستقبل ومش عارف يكفى طلباتها هى أو أهلها
ولو اشتغل أى حاجة يبقى مش عايز يحافظ على المظهر والبرستيج بتاعها أدام الناس

لو حصله مشكلة واتخنق شوية يبقى كئيب ومقرف
ولو هية اللى مخنوقة يبقى أكيد عشان حساسة

لو سقط بسببها يبقى عشان ملوش هدف
ولو هية سقطط يبقى عشان بتموت فية وبتفكر فية ليل ونهار

لو كدب عليها يبقى غشاش ومخادع
لو هية كدبت علية يبقى عشان مش عايزة تزعله

لو مبقاش 24 ساعة رومانسى يبقى أكيد بيفكر فى حد تانى
ولو بقى علطول رومانسى هتقوله استرجل شوية دانا أرجل منك

لو فى مرة جبلها هدية أو خرجها من غير مناسبة يبقى عشان عمل غلطة وعايز يداريها
لو هى اللى عملت كدة يبقى عشان الحب

لو حصل خناقة بينهم وخللى حد يحكم يبقى عايز يفضحها ويطلعها غلطانة علطول
ولو هى اللى دخلت حد بينهم يبقى طبعا عشان هوة ظالم ولازم حد ينصفها

لو حصل موقف مؤثر وعيط يبقى تافه ومش راجل
لو متأثرش بيه يبقى قاسى وقلبه حجر


البنت محتاجة الحب والرومانسية والدفء والأمان ...محتاجة لإنسان يحتويها ويفهمها ...بس أكيد دايما كل حاجة بتاخد وقتها مفيش حاجة بتيجى بسرعة غير وبتضيع بسرعة ...عشان الحب ده زى النبات مش أول ما نزرعه يبقى نقعد مستنين الحصاد...لازم نصبر ونرويه بهدوء ونستنى الزرع لما يبقى ليه جذور تحميه من أى عواصف ممكن تموته ويبقى قوى عشان نعرضه للمشاكل اللى بتحصل...انما محدش عنده صبر الناس كلها عصبية ...كله شايف التانى غلطان ..محدش عايز يعترف بغلطه ...كله بيرمى على كله والحياة كل يوم بتبقى أسوأ...ومفهوم الحب ضاع بين التفاهة اللى فى الأفلام ..لو كان الممثلين اللى بيعملوا أقوى أفلام رومانسية فى الدنيا بيطبقوا اللى همة بيعملوه فى حياتهم مكنش فيه ممثل طلق ممثلة...انما أعلى وأشهر حالات الطلاق بينهم...المشكلة إن الحب الحقيقى أروع من الى بنشوفه....بس محدش قادر يصبر...وكله بيجرىورا الوهم فى الأفلام وطبعا النتيجة ان الكل بياخد على قفاه ومشاكل وحوارات مش بتنتهى ....وطبعا أكيد السبب الطرف التانى من قبل ما حتى حد يعرف اية المشكلة!!
ياريت نبعد عن دماغنا المفهوم الملوث بتاع حب الأفلام وندور على الحب الحقيقى اللى من غير مشاكل... وعلى فكرة موجود واللى بيوصله مش بيسيبه أبدا وناس كتير مبتتكلمش عنه عشان خايفة الباقى يحسدهم عليه....
والله موجود واللى يفكر شوية هيلاقيه...والحدق يفهم .....
طبعا اللى فوق ده نموذج ممكن يحصل أو لأ بس فى الأغلب بيحصل وده ناتج عن حاجات وقعناها من حسابتنا .....كل واحد يشوف ضاع أد اية منه من وقت بيقرا الكلام اللى أنا كاتبه ده ...ويشوف ضاع أد ايه فى الحوارات دى ....ويشوف باقى أد ايه فى عمره لسة هيضيعة....
ابعت الرسالة دى لكل اللى بتحبهم بجد وشوف ممكن كل واحد يعيد حساباته ...لو بعتها لكل اللى تعرفهم وعد ...ان حب حياتك الحقيقى هيظهرلك واضح أوى فى أقل من عشر أيام...جرب وشوف

Admin
Admin

عدد الرسائل : 162
تاريخ التسجيل : 16/08/2008

معاينة صفحة البيانات الشخصي للعضو http://rooney.mam9.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى